In filò

Una stala bruta e negra
Co tre bestie a la cadena,
E na lampada che apena
La difonde el so ciaror.

Muri mogi de siroco
Bruti e sporchi tuti quanti,
Quatro travi sgiossolanti,
Pavimento a onda de mar.

Sinque scagni e tre bancheti
Do careghe sgangherae,
Paia e cane strassinae,
Eco tuto parecià.

Dopo sena zé l’ ingresso,
Fra l’odor de le buasse,
Tute alegre ste ragasse
Le scomincia el so lavor.

Chi na calsa, o na traversa,
Chi na blusa se parecia;
Da na banda sta na vecia,
E fra i bo ghe zé el paron.

Una tosa fa la dota,
E so mare là vissina
La se gode, povarina,
E la sogna l’ avenir.

I pissini no sta fermi;
Zè chi ciama, siga o cria,
E la vecia: Ave Maria!
El Rosario su, dizé!

Ma le porte se spalanca,
Do, tre tosi se presenta:
“ Vegna vanti, qua…el se senta “,
Dize Lola in … batticor.

El saloto zé completo!
Complimenti e gran sempiade,
Gran bravure e gran ociade,
L’ ore passa … el tempo va !

Zé chi dise mal dei altri
E chi parla figurato …
E una tana de pecato
El diventa quel “ filo’

D’ improvviso, sorta in pié,
Una vaca la rincula
E con forsa la ghe mula:
“ Basta, fora ! A leto andè !

Tratto da “DE CRUDE E DE COTE” di Don Virginio Panziera.

Rispondi

Inserisci i tuoi dati qui sotto o clicca su un'icona per effettuare l'accesso:

Logo di WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...