Far el prete lè sempre sta un mestier duro:
la gente la pensa al presente e gnente al futuro.
In del confessional cissà quante i de sente,
la castità no la conta proprio gnente;
cissà quanti corni ven fora nel matrimonio,
se ghe dà l’anima in pasto al demonio;
cissà che fadiga star zito, no poder parlar,
ma ancora de più a dover perdonar.
La predica lè sempre longa, pochi che scolta,
iè i schei quei che conta.
Par tanto che i se daga da far, i ghe dir sempre su
e i lo mete in crose come Gesù.
Lassa che tuti i diga la sua con libertà,
pur che sora tuto ghe sia la carità.
Gina Bellare
Centro Studi e Ricerche della Pianura Veronese 