di Gina Bellare
No so el parché i me ciama zerción:
mi me ne frego e son bèlo come son.
Mi son papàvero, un fiór dei campi
me sento un re, el pi’ bèlo fra i tanti.
De veludo roso l’è el me vestito
de così bèi mi no d’ò mai visto.
Gh’ò un cor a copa pién de somenza
che me sicura ‘na gran disendenza.
No son mai solo e gh’ò tanti fradèi
dal primo al’ùltimo semo tuti zimèi.
Son bòn da magnàr in padèla còto,
con la crincanèla e el brusaòcio.
Ma se te me magni, no sta’ esageràr,
parché el corpo a moo e lo fao ‘ndar.
da “Maraveie de creatura”, Cif, Sanguinetto
