El Monsignor

di Giuseppe Masini mons. pezzo

Na gran tònega, longa, nera,

con de sora na macia bianca

de cavéi e du ocialéti

da le lente grosse, che paréa

mandar in giro lampi de luce:

la tònega se movéa

come na gran vela sbatùa

dal vento, quando el caminava

col so passo da montanar,

avanti e indrìo tuto intorno

ne la so bela cesa nova,

sempre con in man el rosario

e ci sa che pensieri par la testa.

Come el te rivava darénte,

te vedéi na facia larga,

bianca e rossa come quela

d’un butìn e du oci azuri

che i te sghimava in pressia

par tornar de colpo a guardar

par aria o da n’altra parte:

ma te eri sicuro che lu

el t’avéa conussù ben,

anca se l’era mezo orbo.

Quando el parlava dal pulpito,

con n’eloquenza che te tegnéa

sempre svéio e atento

e la paréa un torente in piena,

tonando con pecati e pecatori

o parlando de la so Madona,

el g’avéa na parola che sgrafava

come la raspa d’un falegname,

ma soto gh’era tuto el so amor

par noaltri e le nostre faméie,

gh’era el so cor più grande

de le so bele montagne,

gh’era la preocupaziòn

de far rigar drito un grege

che ogni tanto paréa sbandar.

Se po’ te ghe parlavi insieme

de le to cose, di to problemi,

te capivi che soto quela scorza

rustega gh’era na bontà

da santo del Paradiso

sempre pronta a darte na man.

El magnava gran scudéle

de pan e de café late,

ma da le çinque de la matina

a le nove de la sera

l’era sempre al laòro,

in giro par le case del paese

a benedir, scoltar, consolar,

in cesa a pregar, confessar,

o nel so uficio a lezar

con na lenta grossa come un panin,

a scoltar òmeni e done

con tuti i so problemi,

a insegnarghe un po’ de latin

a buteléti che no podéa

pagarse la lezion di professori.

Quando l’è rivà el momento,

el s’à ritirà da solo

parché el voléa prepararse

par andar là sù, dove gh’era

a spetarlo la Domenica

con tanti parenti e amizzi

e, quando l’è stà la so ora,

l’è partio sereno e tranquilo.

Caro Don Pezzo, mi volarìa

che ste parole le rivésse

fin a ti, là de sora,

par dirte che, anca se qualche olta

te n’è tirà forte le rece,

noaltri volémo ringraziarte

par quel che te n’è insegnà,

par tuto quel che te n’è dà,

par dirte che ti te saré

sempre el nostro “Monsignor”!

Rispondi

Inserisci i tuoi dati qui sotto o clicca su un'icona per effettuare l'accesso:

Logo di WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...